جديد الصور
جديد البطاقات
جديد الجوال
جديد الفيديو
جديد الصوتيات
المتواجدون الآن
تغذيات RSS
|
|
قضايا قرأها الزمن قبل كتابتها 5
06-23-2008 12:53 AM
~*¤ô§ô¤*~البارتـ الخامسـ~*¤ô§ô¤*~
الفصل الأولـ ..
بسيل: صدق الله العلي العظيم ..,’
باست القرآن .. ورجعته مكانه .. وطوت سجادة الصلاة .. وتساندت على سريرها .. الساعه اربع الفجر !.. ومافيني نوم .. أي صح!! .. اقوم اسوي اللي ببالي دام ان فيه وقت .. قامت بخطوات بطيئة .. وفتحت درج من ادراجها وطلعت منه الفايل اللي صار جزء من حياتها .. واخذت قلم وقعدت تكتب اللي سمعته امس من ترنيم !!.. لأن هذا اللي اعتادت عليه .. وهو انها تدون القضايا في فايلها .. راحت لعالم بعيد وهي قاعده تخط حروف من بين ايدها .. لكن سرعان ما رجعت لعالمها اللي اقرب من نفسها لها .. بطقة الباب ..
بسيل وهي عاقده حواجبها لأن قطعوا عليها جو الكتابه: مـن؟!
ام باسم وهي تفتح الباب: صبحج الله بالخير يمه ..
تلاشت تعقيدة الحواجب وارتخوا وارتسمت على بسيل ابتسامتها المعهوده: صبحج الله بالنور والسرور ..
ام باسم وهي تتقرب منها: شتسوي بسولتنا اليوم
بسيل وهي تقوم من مكانها وتتقرب الى امها: ما شيء يمه بس قاعدة اكتب بالقضايا شوي
ام باسم وهي تلوي بوزها: احنا مع هالقضايا .. ريحي نفسج شوي .. كل مشغوله فيها !!
بسيل: هههه الله يهديج يمه من قال لج الحين القضايا متعبيني عشان اريح نفسي منها!!.. بالعكس يسلوني في وقت مللي .. ويخلوني اتفتح على سوالف المجتمع ..
ام باسم: الله يوفقج يا بنتي .. عاد الشمس وضح ضحت .. قومي اتجهزي وانزلي اكلي لج شيء قبل لا تمشين ..
بسيل وهي تشوف الساعه: بوووو .. الساعه 5 وربع .. ولا ادري
ام باسم وهي تلتفت للباب: تبين اسوي لج شيء قبل لا انزل؟
بسيل بإبتسامة: لا يمه .. ثانكس
ام بسام التفتت لها: شنو؟؟
بسيل بأشبه ضحكة: شكراً يالغاليه!..
ام باسم التفتت للباب تكمل طريقها لتحت عشات تجهز الريوق .. وبسيل راحت الى خزانة ثيابها تدور بين ثيابها على اللي اليوم بتلبسه !.,
×
.
×
نزلت بسيل بالجينز ولابسة عليه تنورة قصيرة فيها كسرات باللون الازرق والابيض .. ولابسة عليه حزام باللون الوردي .. ولابسة تي شيرت ناعم باللون الوردي والابيض .. والشيلة كانت باللون الوردي .. وكانت كيوووت بلبسها هذا .. نزلت بحركة خفيفة من على الدرج .. وقابلة نهايته اخوها باسل .. ورسمت على ويهها الابتسامة اللي اعتادت عليها .,’
بسيل: صباح الخير
باسل: صباح النور .. يه يه يه شهالكشخه ..
بسيل وهي تدور عشان يشوفها عدل: احم طول عمري كشخه
باسل: وانا اشهد
بسيل: احم احم
باسل: بسج .. احم قالت احم
بسيل: احم
باسل ما رد عليها وراح يكمل طريقه للمطبخ عشان يقابل امه ويتريقون .. اما بسيل لوت بوزها لأنها ما تحب هذي الحركه من اخوها باسل اذا يسويها .. وهي التطنيش .. ولحقت وراه الى المطبخ من بعد ما تركت شنطتها وفايلها في الصاله ..,’
بسيل: حركتك بايخه
باسل رفع لها حاجب ونزل الثاني
ام باسم: يالله صباح خير .. شفيكم من الصبح؟؟
بسيل وهي تقعد على السفره: يمه هذا ولدج شوفيه
باسل وهو يقلدها: يمه هذي بنتج شوفيها
ام باسم: هههه وانتوا متى بتكبرون ان شاء الله
بسيل وهي فاتحه عينها على الآخر: افا يمه الحين احنا قدامج شكبرنااا تقولين متى بنكبر بعد ..
باسل: ان شاء الله تبينا نشيب ونصير مثلج عجووز
ام باسم وتمثل دورالزعلانه: الحين آنه عجوز ؟..
باسل: فديتج الا انتي اصغر مني ومن بسيل حتى
بسيل: وآنه اشهد
باسل وهو يطق بسيل على ظهرها وهي تاكل: مانبي شهادتج
بسيل: كح كح كح .. تتمناها انت بس.,,
ام باسم: شفيكم اليوم ما ساكت لكم لسان على الاكل
باسل وهو يوقف: على غير عادتنا اليوم .. يالله الحمد لله
ام باسم: ما اكلت شيء؟
باسل: يمه كل هذا وما اكلت حرام عليج عاد
بسيل وهي توقف الثانية: آنه بعد خلاص .. الحمد لله .. وتسلم ايدج يمه
ام باسم: بالعافيه ان شاء الله ..
راحوا اثنينهم للمغسله عشان يغسلون .. واللي كانت شوي بعيده عن السفره ..
باسل: غسلي انتي اول
بسيل: لا انت غسل ايدك وبعدين آنه
باسل: لا لا انتي قبل
تقربت بسيل بس باسل تقرب للمغسلة قبلها ..
طقته بسيل على ظهره بالخفيف: كريه وكريه زيييييييين
باسل: هههههه محد طلب رأيج فيني
بسيل سكتت عنه وقعدت تشوفه شلون يغسل ايده .. وفي النهاية اخذ شوي ماء ورشاه عليها ..
بسيل: لااااا
باسل: لا اله الا الله
بسيل: قلت لك كريييييييييه شوف شسويت الحين .. اطلع جذي فيني ماء ؟؟؟؟
باسل: هههههه والله حاله بنات هالأيام ..
مشى عنها عشان يطلع ويروح شغله بس وقفه صوتها: لا تنسى زوجتك وحدة منهم
باسل وهو يغمز لها: بس زوجتي غير ..
وراح سلم على امه وطلع عنهم ...
بسيل كملت تغسيل ايدها وجففتها وتقربت لأمها وباستها على راسها: يالله يمه تآمريني على شيء؟؟
ام باسم: سلامتج .. والله يوفقج في شغلج ويومج ..
بسيل: تسلمين يمه .. ما اوصيج تحملي بروحج ..
ام باسم: ان شاء الله .. وانتي بعد .. ولا تنسين البخوووور
راحت بسيل الصاله وتبخرت وحملت شنطتها والفايل .. ولبست لها صندل ناعم باللون الوردي .. بدون كعب وفيه على جنب فراشة صغيره .. طلعت مفتاح سيارتها من الشنطه وفتحتها .. وركبت فيها عشان تسير فيها للمكان اللي كل يوم تروح له وهو مقر شغلها ..,,
×
.
×
وصلت وهي تتأفف من زحمة الشارع .. ولا عامله حساب للي قاعد يراقبها وشلون هي تنزل من السياره ..
بسيل: حر وفوق كل هذا زحمة شوارع .. والله حاله .,
وهني يرن تلفونها وتنقز ..
بسيل وهي ترد: بسم الله الرحمن الرحيم
سارة: شفيييج
بسيل: خرعتيني توني بنزل من السيارة وانتي الثانية متصله ..
سارة: يعني اسكر ؟؟
بسيل وهي تضبط الفايل في ايدها: افااا بتسكرين التلفون وحتى صباح الخير ما قلتي لي؟
سارة: انتي ما ينعرررررف لج ..
بسيل: هههههه .. زين .. آنه بقول لج صباح الخير يا ويه الخير انتي
سارة: صباح النور يا ويه النور انتي
بسيل: صباح العسل يا عسل انتي
سارة: صباح الجوري يا احلى ورد جوري انتي
بسيل: اف منج ما تنعطين ويه .. اعطيها كلمه تردها عشر !!
سارة: هههههه انتي هي شفيج علي اليوم
بسيل وهي تقفل السيارة: مافيني شيء .. سارووو خست وآنه بالشمس
سارة: ليش انتي وينج؟
بسيل: نازله من سيارتي بروح شغلي يعني وين بالله عليج ؟!
سارة: ههههه كسوله آنه اكلمج من الشغل ..
بسيل: ويييي تبين تقنعيني انج شطورة؟؟
سارة: احم اكيد فديتني ..
بسيل وهي تدخل من باب المجله: احلى يالواثقين ..
سارة: بسوله ما قلتي لي شخبارج؟
بسيل: الناس تسأل عن الاخبار من البداية مو النهاية
سارة: اووووه بسيلو جوزي عني اليوم شفيج علي
بسيل بإبتسامه: بخير الحمد لله وانتي ؟؟
سارة: بخير دامج بخير
بسيل وهي تفتح اللفت: ادررري
سارة: زين متصله لج عشان أأكد لج ان اليوم بنطلع لا تنسين .. والغذاء اكيد برره ..
بسيل: سارو ما قلت لأمي
سارة: خالتي ما بتقول شيء .. وبعدين اتصلي فيها الحين
بسيل: يصير خير يالغلا
سارة: يالله اخليج .. عطلتيني عن شغلي
بسيل: شعندها .. الحين من اللي متصل على الثاني ؟!
سارة: ههههه يالله اتحملي برووحج وايد وايد
بسيل: مو شوي؟
سارة: لا واااااااايد ..
بسيل: عجل انتي تحملي بروحج واااااااااااااااايد
سارة: فديتج ما يحتاج توصين .. يالله اشوفج بالمجمع ان شاء الله على خير
بسيل: على خير ان شاء الله ..
سكرت بسيل التلفون ودخلت المكتب .. اللي تعبت عشان توصل له ..
بسيل: سلام عليييييييييييييكم
ترنيم وريم: عليكم السلام
بسيل وهي تحط اغراضها على الطاوله: صباح الخير
ترنيم: صباح النور
ريم: صباح الورد
بسيل من بعد ما قعدت على الكرسي بكسل: شخباركم اليوم
ترنيم: بخير
ريم: بشوفتج
بسيل: هههههه آخ يا ربي تعبانه
ترنيم: من شنوووو؟
بسيل: من الشوارع والشمس والله تعب تسوقين سيارة من الصبح ..
ريم بإبتسامة: بعد هذي هي الحيااااة .. احمدي ربج بعد تسوقين سيارة وفيها ايسي .. غيرج يمشون بالشمس عشان يوصلون لمكان اللي يبون ودواماتهم ..
بسيل: الحمد لله ..
بعد فتره.,’
ترنيم: واليووووووم مو ناوية تروحين مكان ؟؟
بسيل: شلون يعني؟
ترنيم: عشان القضايا .!!
بسيل وهي تعتدل بالقعده: الله يسلمكم حصلت ليي مكاااان ما يخطر على البال
ريم: وين القبر؟
بسيل: ههههههههه بالله عليج .. شنو استفيد من انسان ميت بالقبر .؟
ريم: مو انتي تسوينها
بسيل: افااااا ريموووووو؟؟
ترنيم بإنتباه: بسيل ما عليج منها كملي كملي ... قولي وين بتروحين؟
بسيل: قلت بروح مستشفى الايدز
ريم وترنيم بصوت واحد: الاييييييدز؟!
بسيل وهي عاقدة حواجبها: شفيكم؟؟؟
ريم: لا بسوله من صدقج بتروحين لي مستشفى الايدز؟
بسيل: يعني الحين اجذب عليكم مثلاً ؟؟
ترنيم: ما تحسين انها شوي الفكرة مو لهناااك !!
بسيل: بالعكس .. في مستشفى الايدز .. بتلاقين مصابين بالايدز .. واكيد هذي الفئة من المجتمع وراها مشاكل او معانات .. او وصلوا لهذي المرحله برغباتهم اللي ما كانوا يعرفون عواقبها .. ففكرت إني اخط قضية تكون بدايتها الحياة ونهايتها هناك !!..
هزت ترنيم راسها بمعنى شوية اقتناع بالفكره ..
ريم: بس انتي كلمتي المستشفى من قبل؟
بسيل وهي تلوي بوزها: مو هذا اللي مخوفني
ريم: شنو؟
بسيل: ما كلمت المستشفى عن الموضوع واخاف يرفضووون ..
ترنيم بإبتسامه: تفائلي .. و ان شاء الله يوافقون على طلبج ..
بسيل وهي توقف: شرايكم اروح ابلغ المدير عن الفكره وآخذ الاذن عشان اروح اشوف حظي؟؟ ..
ريم وترنيم: الله وياااج ..
راحت بسيل بخوف الى مكتب مدير المجله .. يوم انها بتروح الشرطه شوي وبياكلها .. اليوم اذا قالت بتروح مستشفى الايدز شنو برد عليها !!.. تقدمت الى مكتبه بخطوات بطيئة .. وتكلمت بنعومه.,
بسيل: السلام عليكم
السكرتيرة: عليكم السلام يا هلا
بسيل: اقدر اقابل المدير؟
السكرتيرة: لحظة اشوفه لج ..
ابتسمت لها بسيل وهي الثانية اتصلت للمدير وقالت له ان في موظفة تبي تشوفك !!..
السكرتيرة وهي تنزل السماعه: تفضلي ادخلي ..
بسيل: شكراً
تقدمت بسيل بخطوات ابطئ شوي .. ما تدري ليش ردة فعل المدير تؤثر فيها !! ..
بسيل: بسم الله الرحمن الرحيم ..
وطقت الباب ودخلت .,’
بسيل: السلام عليكم
فراس: عليكم السلام
بسيل وقفت مكانها .. لكنها تقربت لما اشر لها فراس بإنها تقعد ..
فراس: قعدي تفضلي ..
بسيل وهي تمد القضايا الجاهزة عندها: هذلين القضايا اللي جهزت لليوم ..
فراس اخذ الاوراق من ايدها وقعد يتصفحهم ..
بسيل: الاوراق ووصلت عندك .. بس ابي آخذ الاذن عشان ازور مستشفى الايدز
فراس اللي ما شال عينه من على الاوراق: وين؟؟
بسيل اللي انقهرت من برودة: مستشفى الايدز
فراس وهو يوجه لها نظرات استغراب: وانتي كل مكان تبين تزورينة اخطر من الثاني ؟؟
بسيل طالعته بنظرات استغراب وكأنها تقول له \" وانت شعليك !!\" ..
فراس اللي تندم عشان رده بس هذا اللي المفروض يقوله !!: زين انتي اخذتي موافقة المستشفى بالاول؟
بسيل: لا بس اروح واجرب حظي
فراس: براحتج
بسيل وهي توقف: شكراً .. والحين ان شاء الله اروح عشان اجرب حظي ..
طلعت بسيل من غير ما تنتظره حتى يرد عليها .. مو هي خلاص اللي ببالها ورضوا فيها واخيراً .. وللمره الاولى بتزور مستشفى الايدز !.,’
×
.
×
وصلت الى المكتب والابتسامه مو مفارقة ويهها ..
بسيل: المديييير ووافق .. باقي بس موافقة المستشفى وخلااااص ..,’
ترنيم وريم: بالتوفييييق ان شاء الله
بسيل وهي تسحب شنطتها والفايل: يالله دعواتكم .. اشوفكم على خير
ترنيم وريم: على خير !.,’
طلعت بسيل وهي تدعي ربها .. \" ان شاء الله يوافقووون \" ...,
×
.
×
وصلت وهي على افكارها .. لأول مره في حياتي ادخل مستشفى الايدز !! .. شنو بكون حال المرضى داخله ؟ .. وقعدت تتأمل المكان من بره !. يا ربي شلون يتحملون يقضون ايام عمرهم الباقيه هني .. في هذا المبني ؟! .. يموتون بعيدين عن اهلهم وبيوتهم !!.. تقدمت وبداخلها تتصور المشاهد اللي يمكن تشوفهم اول ما تدخل .. دخلت !!.. بس وين داخله ! .. حياة من غير طعم الحياة ! .. مكان وكأنه اشبه بالقبر حتى !. اليأس !. بلا امل ! .. هذا اللي كانت تشوفه بعيون المرضى .. وماكان عندها شيء تخفف فيه عليهم غير ابتسامتها اللي ما تفارقها .!! .. تقدمت اكثر .. من بين الاشجار .. وكانت خطوات وتعدي الحديقة .. لكن وقفها صوت !!.
الممرضة: اقدر اخدمج بشيء اختي؟ ..
بسيل: بغيت مكتب المسؤول !
الممرضة وهي تمشي: اوكي .. امشي وراي ..
مشت بسيل وراها بصمت !.. ومن بعد ما عدوا ممرات .. وصلوا الى غرفة يمكن تكون متشابهه مع كل الغرف .. لكنها اكيد بتكون مميزه عنهم كونها غرفة المسؤول !!.. طقت الممرضة الباب .. ووصلهم الصوت بإنهم يدخلون !.,’
الممرضة: دكتورة نرجس .. عندي لج ضيفه تبي تقابلج !
بسيل حمدت ربها ان المسؤوله بنت عشان يمكن يسهل عليها الامر !: السلام عليكم
نرجس وهي ترفع راسها: عليكم السلام ..
التفتت نرجس الى الممرضة: خلاص اتركينا بروحنا !
الممرضة حركت رأسها بمعنى ان شاء الله وطلعت عشان تتركهم بروحهم!
نرجس: تفضلي اقعدي
تقربت بسيل من الكرسي اللي كان على يمينها وقعدت .,’
نرجس: اقدر اخدمج بشيء؟
بسيل: آنه بسيل من مجلة \"...\" .. مختصة بقسم القضايا الاجتماعيه ..
نرجس: بسيل ما غيرها !
بسيل اللي متفاجأة حركت رأسها بمعنى أي ..
نرجس: يا هلا والله شرفتينا ..
بسيل: الشرف لنا .. وآنه اليوم هني .. ووصلت للمستشفى .. وخصوصاً لمكتبج .. عشان اطلب منكم إني ابدأ قضية وتكون من مرضاكم !.,
نرجس وهي متحمسة للموضوع لكنها تذكرت شيء!: لحظة .. ما قلتي لي شنو تشربين ..
بسيل: عصير أي شيء ..
نرجس طلبت لهم عصير .. ورجعت تكلم بسيل .,’
نرجس: قلتي تبين تبدأين قضية مع مرضانا !
بسيل: أي !
نرجس: آنه من خلال ما شفت قضاياج .. واسلوبج بطرحهم .. وتعبج للأماكن اللي توصلين لها عشان توصلين العبره للناس من خلال اللي تكتبينه .. ما اتفاجأت عشان انج اليوم زرتينا بس ما كنت متوقعه زيارتج هذي وطلبج .. آنه كمبدأ للفكره موافقه .. لكن انتي بمستشفى الايدز .. ومطلوب منج تاخذين الحذر في كل شيء .. وآنه في بالي قضية يمكن تساعدج .. ومن بنت طيبه وسهله في التعامل .. آنه احب هالبنت وتأثرت وايد لقصتها لما قالت لي عنها الدكتورة المختصة لها !!.. هي وحدة من ضحايا هذا المجتمع .. بس يبي لج بالاول موافقتها ..!
بسيل بحماس: زين .. اذا ماعليج امر .. تقدرين تاخذين موافقتها الحين !
نرجس: ان شاء الله دقائق بس !..,’
بسيل: ان شاء الله ..
اتصلت نرجس .. وكانت تتصل الى الدكتورة المختصة بالمريضة اللي تكلمت عنها !! .. وكان اسمها حوراء !.. وهذا اللي سمعته بسيل !.. وكأنها تطلب منها انها تاخذ الموافقة من المريضة نفسها .. سكرت التلفون من الدكتورة .. واتفتح الباب لأن العصير وصل .. ضيفت نرجس بسيل .. وقعدوا يسولفون .. وكل وحدة تسولف عن شغلها .. او بالاحرى .. كل وحدة تتكلم عن القضايا اللي تشرف على موجهتها .,,
×
قطع عليهم الجو اللي كانوا فيه طق على الباب !..
نرجس: اكيد الدكتورة وصلت!
بسيل اعتدلت بقعدتها ..
نرجس: ادخل!
دخلت الدكتورة وكانت معاها المريضة !
الدكتورة: السلام عليكم ..
نرجس وبسيل: عليكم السلام !.
تفاجأت بسيل من الوردة الذبلانه اللي شافتها مع الدكتورة .. ورده بعدها ما كبرت عشان تستسلم وتذبل .. لكن اكيد ان الحياة ما روتها .. وضاقتها الضيم عشان تذبل !..,’
نرجس: ادخلوا اتفضلوا ..
اجتمعوا كلهم حول طاولة المسؤوله .. وبالتحديد كلهم قاعدين على الكراسي اللي قدام المكتب .,’
نرجس وهي تأشر على المريضة: هذي اللي قلت لج عنها ..
ومن بعدها اشرت على بسيل وهي توجه كلامها للمريضة: وهذي اسمها بسيل من مجلة \" .... \" .. تناقش قضايا من مجتمعنا .. وتخطهم على الورق عشان تكون عبره للمجتمع .. وما يكون مصير باقي افراد المجتمع مثل الاجيال اللي قبلهم !.
اكتفت حوراء بإبتسامه !.. لكنها مثلها ذابله !.,’
بسيل: شخبارج ؟
حوراء: الحمد لله على كل حال !!
بسيل: الحمد لله .. آنه اليوم وصلت لهني .. عشان استفيد وافيد الناس بقضية .. او نقدر نقول قصة وتكون عبره لغيرنا من المجتمع .. والمسؤوله والدكتورة .. ما قصروا معاي .. واختاروج انتي .. وباقي بس موافقتج !
حوراء هزت رأسها بمعنى اي .,’
بسيل بإبتسامة: موافقة ؟
حوراء: ان شاء الله ما اخيب ظنج وافيدج .. واذا كنت بفيد غيري من المجتمع .. فليش لا !.. لأني ما احب يكون في غيري من المجتمع بموقفي بيوم .. ويكون ضحية مثل ما كنت ولا زلت !.,’
الدكتورة: خلاص .. دام ان الموافقة وصلت .. حددوا موعد عشان تبدأون فيه وتناقشون القضية ؟!
بسيل وهي تشوف الساعه: الحين ما يكفي الوقت !
حوراء بصوت بالموت ينسمع: ما اتوقع !
بسيل: زين نبدأ فيها شوي اليوم ونكملها باجر !
حوراء: خلاص .. صار
بسيل: مو مشغوله ما عندج شيء !
حوراء بإبتسامة: وشنو بكون عندي ؟!
اكتفت بسيل بالصمت لأنها مقدرة الموقف يمكن اللي الحين حوراء فيه .. ومقدرة شعورها وحياتها !.. واللي مثل ما قالتها من قبل .. حياة من غير طعم الحياة !.,’
المسؤولة: خلاص عجل .. دكتورة اخذيهم لغرفة حوراء وهناك يناقشون القضية على راحتهم ..
الدكتورة: ان شاء الله !.,
قاموا الدكتورة وحوراء وبسيل مع بعض .. عشان يتوجهون الى غرفة حوراء .. عشان يبدأون اليوم ولو بالقليل في موضوعهم !.. دخلوا غرفه رسمية .. ما تختلف شيء عن غرف المستشفيات الصحية ...,’
الدكتورة: اترككم بروحكم عشان تاخذون راحتكم اكثر ..
طلعت عنهم .. وظلت بسيل وحوراء بالغرفة ..,
حوراء راحت الى الكرسي اللي اعتادت تقعد عليه في كل صبحيه .. وحضنت الدب اللي كان عليه .. اللي مشاركها حياتها من الصغر للحين !.. وحتى يوم انها وصلت للمستشفى ما اتخلت عنه !.,
وبسيل من صوب ثاني اول ما دخلت لفت انتباهها شيء !. سنارة وصوف !.,’
بسيل وهي تطالع الاشياء اللي كانت على طاوله خشبية صغيره .. واللي كانت مصنوعه بدقه .. وبحركات حلوة بالصوف ..
بسيل: هذي انتي مسويتنهم !
حوراء: أي .,
بسيل: حلوين
حوراء: تسلمين من ذوقج ..
بسيل اتباعدت عن الطاوله الخشبية واتقربت الى حوراء وقعدت على الكرسي اللي كان مقابل لكرسي حوراء .. واخذت نفس عميق ..
بسيل: نبدأ ؟..
حوراء: نبدأ !!
بسيل: بسم الله الرحمن الرحيم .,’
وهني بتبدأ بسيل برحله جديدة .. وسط بحر قضاياها .. وبتكون بسفينه هي وحوراء .. وحوراء اللي بتكون الربان فيها .,’
الفصل الثاني ..,’
~*¤ô§ô¤*~البارتـ الخامسـ~*¤ô§ô¤*~
حوراء كانت ساكته لفتره .. وكأنها تبي ترتب الافكار ببالها !.. بين كل ثواني تتنهد .. وقررت انها تبدأ: بسم الله الرحمن الرحيم ..
غمضت عينها لدقائق وكأنها تسترجع اصعب اللحظات اللي مرت فيها: آه .. آنه اللي قدامج اسمي حوراء ..
هزت رأسها بسيل بمعنى أي و بإهتمام ..,
حوراء: الحين عمري 18 او 19 .. بصراحه مدري ..! .. ماعاد العمر يهمني ..! لما كنت بالمدرسة .. وتحديداً بصف ثاني ثانوي .. وعمري 17 سنة .. دخلت بحياتي انسانه غريبه بالنسبة لي بس بالبداية .. لأني بالبداية حسيتها في كل يوم توجه لي نظرات .. نظرات غريبة ما كنت اعرف افسرها .. ما ادري اذا انها كانت غيره او غيرها .. لأني كنت طالبه محبوبة من الجميع بالمدرسة .. معلماتي .. زملائي .. واصدقائي المقربين .. وكنت شاطره .. وجاده في دراستي .. كنت ابذل اللي اقدر عليه عشان اوصل لأعلى المراتب .. واكون المتفوقة على طول .. عشان احقق احلامي من بعد ما اتخرج من الثانوية .. بيوم .. تقربت مني هذي الانسانه .. واللي اسمها \" شذى \" .. كانت ما تختلف عن الباقي بشيء ببادئ الامر .. وكانت تتقرب مني كل يوم والثاني اكثر .. وكانت توصل لي فكره بإنها تبي ترفع من معدلها بالدراسة .. وانها نادمة على الايام اللي كانت ترسب بالمواد فيها .. واختارتني آنه عشان اساعدها في هذا الشيء .. ما اقول لج ما استغربت .. لأن الاستغراب اكبـر شيء كنت احس فيه بهذا الموقف .. بس بحكم نفسي .. رحبت فيها .. وما رديتها بطلبها .. كنت ادرس بالبيت ويوم ثاني اشرح لها .. وهي كانت تتجاوب معاي وهذا اللي طمن لي قلبي شوي .. مرت الايام .. وقمت اعدها وحدة مني وفيني .. لدرجة إنها تزورني بالبيت عشان ندرس مع بعض اوقات .. وفي امتحانات النهائية .. كان عندنا مادة .. اشبه بإنها تكون صعبه شوي .. والا هي الكيمياء .. وكل وحدة فينا شايله هم الماده !.. قعدنا بكسل ذاك اليوم بساحة المدرسة ..
حوراء: واليوم شنسوي لباجر؟
شذى: آنه عندي حل
حوراء: والا هو؟
شذى: نروح لبنت ندرس عندها .. ويقولون انها وايد حلو شرحها بالكيم .. وبجذي بتسهل علينا شوي الدراسة .. ها شرايج؟!
حوراء: شلون يعني البنت بتزورنا بالبيت وبتشرح لنا ؟!
شذى: لا .. لأن ما بنكون بس احنا اللي بتشرح لنا .. اكيد معانا ناس ثانيين ..
حوراء: عجل شلون؟
شذى: احنا نروح لها !.
حوراء: زين بس ما عندي احد ياخذني للبنت!! .. وانتي ادرى بالظروف ..
شذى: ماعليج آنه امر عليج ونروح مع بعض .. وآنه وانتي واحد .. شنو الفرق بينا !!
ابتسمت لها ذاك الوقت .. وياليتني ما ابتسمت وما وافقت ..!!
×
وصل المغرب .. وصليت صلاة ربي .. وقعدت انتظرها وكتبي بين ايدي .. لما سمعت صوت الهرن .. ودعت ابوي .. الا هو كل اهلي .. وطلعت قدام البيت .. شفت سيارة فخمه .. يمكن تكون آخر موديل .. عائلة شذى بهذا العز !.. كانت السيارة فيها رايبون .. يعني ما اقدر المح اللي داخل السيارة حتى !!.. وكنت مترددة اذا هذي السيارة اللي فيها شذى والله لا .. لدرجة إني التفتت للباب مرة ثانية عشان ادخل .. بس وقفني صوت شذى لما نزلت الدريشة ونادتني .!
شذى: حوراء وين رايحه؟
تقربت منها بكل هدوء: سوري ما كنت ادري ان هذي انتي ..
شذى: اركبي وراء !
قعدت اشوف اللي قاعد صوب شذى .. واللي كان يسوق .. ومن بعدها رجعت نظري لشذى .. وكأنها فهمت قصدي .. وسؤالي \" من هذا ؟!\" ..
شذى بضحه خفيفه: شفيييج ركبي لا نتأخر .. وبعدين هذا اخوي ..
ارتحت شوي لما قالت لي ان اخوها وركبت وآنه ايدي على قلبي .. يمكن لأني اول مرة اطلع مع ناس غريبين علي !..
حوراء: السلام عليكم
شذى وطلال: عليكم السلام ..
طلال: منوره السيارة يا حلوه !
شذى رفعت له حاجب ونزلت الثاني بمعنى ان اسكت !
خفت ساعتها لما شفت اخو شذى شلون يتكلم ! .. كنت ابي اهرب .. ابي انزل .. ابي اسوي أي شيء يبعد عني الخوف اللي انتابني فجأة .. بس حاولت كثر ما اقدر ابان عكس اللي بداخلي .. وكأني مرتاحة بسيارة اخوها .. ومتطمنة .!.. بس النار من داخلي تثور .. وصلنا لبيت كبير .. اشبه بالفيلا .. دخلنا بالسيارة للحديقة اللي داخلها .. ونزلنا كلنا !.. حتى اخو شذى !.. وهذا اللي خوفني اكثر .. همست لشذى اللي كانت قريبة مني ..
حوراء: شذى !.
شذى: هلا
حوراء: وين احنا !
شذى وكأنها تضحك على شكلي الخايفه والكتب اللي بين ايدي ترتجف: ههه يعني وين احنا .. ما تشوفين بالله عليج .. امشي حبيبتي امشي معاي
حوراء: زين واخوج هذا بيدخل معانا يعني !
شذى: هههههههههههههههههههههههههه
حوراء بشوي صراخ: شفيج شذى .. وليش الضحك هذا كله ..
شذى وهي تأشر على طلال: طلال !! .. هذا مو اخوي ههههه
بدأت الدموع تتجمع بعيني .. لما تقرب الشخص اللي واقف قدامي \" واللي اسمه طلال \" .. وسحبني من ايديني بخفه ..
سحبت منه ايديني و آنه اصرخ: اتركنيييي
طلال: اوب اوب اوب .. شفيج حبيبتي !.. هني كلمة اتركني مو مسموح فيها بالمره .. وغمز لها ..
حوراء وهي تبي تهرب .. بس وين تهرب ووين تروح !.. كانت تحاول تركض للبوابة .. بس صرخة شذى حركت معاها طلال لما قالت: طلال الحقها .. لا تتركها تروح !..
تقرب مني طلال وآنه احس الموت يقرب مني اكثر .. هذا شنو يبي فيني .. وشذى شنو تبي فيني .. كان يحاول يمسكني لكني اتباعدت عنه اكثر واكثر .. بس وصلت الى كرسي كان قريب مني .. وقعدت عليه من التعب .. وآنه اصرخ: شنوو تبون مني شنووو !. حرام عليكم شنو تبوووووووووووووون !!
طلال بصوت همس وهو يتقرب منها: نبيج انتي
طيقته على صدره وآنه ابيه يتباعد: تباعد عني يالنذذذذذذذذل تباااااااااعد .. كلكم روحوا عني كلكم .. حرام عليكم حراااااااااااااااااااااام .. اتركوني بحالي ..
كنت بقوم بكمل مسيري وركضي .. عل وعسى إني القى باب او مكان اطلع منه .. او الاقي احد يسمعني وينقذني .. لكن وين !!. والمنطقة اشبه بالمهجورة حتى !.. بس كان طلال اسرع مني وحملني !.. وآنه ذاك الوقت ضعفي يزيد وآنه اصرخ واطق الارض .. وحتى الكتب اللي كانت بين ايدي طقيته بهم .. بس من ضعفي انهرت وتركتهم على الارض طيحتهم !.. وهو مو راضي ينزلني ويرحمني .,’
حوراء: نزلللللللني يالنذل نزلني .. وين بتاخذنييييييييييي!!!!!!!!!! .. نزلني ..
طلال كمل طريقة من غير ما يسمع لي ولا كلمة .. ودخلنا آنه وهو وشذى الى داخل البيت .. ياليت كان بيت !!.. دخلني طلال وقطاني على مجموعة صبيان داخل .. وآنه اصرخ .. وكلمه نطقتها شذى بقت ترن في اذوني !.
شذى: عندكم وياها ..,’
ما قدرت اشوف شيء من بعد كل هذا من دموعي اللي غشت عيني .. كنت اشوف بنات وصبيان .. وكل من فيهم بحاله ما كنت متوقعه بيوم إني اشوف ناس جذي .. وبكون وسطهم ..! .. ما قمت اشوف شيء بالمره من بعد اللي شفته .. وهو مظهر البنات والصبيان وشلون قاعدين مع بعض .. مو لأن الدموع غشت عيني ذاك الوقت .. لأن وصل لأيدي نغزة ابر خلتني اطيح بين ايدهم ذليله .. وضعيفه .. عمري ما كنت بصير قدامهم مثل اللي هم يبون لو لا نغزة الابر هذي !!.. طحت من بين ايدهم .. وغاب السمع والنظر عني ..,’
×
.
×
رجعت لوعيي .. لكن ما تتخيلين شلون كان وضعي .. وآنه عارية .. ما كان شيء يغطيني .. وواحد من الحثاله قدام عيني ..!
بالبداية .. ما كنت قادرة على الالم اللي براسي .. مسكته لفتره .. ويوم اتضحت الصورة قدامي اكثر واكثر صرخت عليه: انت شتسوووووووي هني !!!!! .. عيب علييييييك .. حرام عليييييك .. والله حرام عليك ..
حاولت الم روحي بين للحاف اللي كان على السرير .. واغطي بقايا كرامتي فيها .. بس أي كرامة !! .. واي شرف اللي بيبقى لي من بعد ذاك اليوم !.
نطق هو الثاني وياليته ما نطق .. كلامه سم يزيد جروحي في ذاك الوقت ..
حمد: افا يا بنت .. يوم وصل دوري عشان اتسلى فيج وعيتي .. ليش عاد !.. الصبيان اللي كانوا هني بمكاني وقبلي ما كانوا احسن مني بشيء ! .. تقرب مني وكأنه يبي يكمل لعبه مثل ما يبي ..!!.. لكن وقفته دموعي وشلون كنت منهاره قدامه !!.
حمد: شفيج يالغاليه !.. كل هذا عشان إني مو مرغوب فيني !
زات دموعي وكأنهم شلال .. دمعه تجر وراها دمعه .. موراضية توقف .. كان هذاك اليوم .. اليوم الاسود بحياتي .. والأيام اللي تتبعه رماد .. اصيح على حالي اللي كانت بقايا ثيابي اشبه بالقذارات .. ولا اصيح على شرفي كله اللي خسرته .. والله اصيح عشاني كنت لعبه لمليون الف واحد بهذيك الليلة !.. والسبب كله من !.. السبب كله شذى !!..
تقرب مني وآنه احاول ابعد عنه ..
حوراء: خلاص ارحموني .. طلبتكم ارحموني ..
وصل صوت طقت الباب .. واللي كان وياي هو اللي رد!
حمد: من؟
شذى: حمووود خلاص عاد .. الحين دور عبادي ..
حمد: دقائق نطري لا تتحركين من قدام الباب ..
قام حمد ولبس ثيابه بطريقة سريعه .. وفتح لها الباب وهو يسكر باقي قميصة .. فتح الباب للكل وآنه هني عارية مكاني .. ما يسترني ذاك الوقت غير قطعة لحاف ..!
×
فتح الباب الى شذى .. واللي من سمعت اسمها زادت دموعي تنزل على خدي .. وقعد يكلمها واللي سمعته !..
حمد: رفيجتج رجعت لوعيها .. ولا انا ولا عبود حتى خذينا نصيبنا .. ودام ان ما صار شيء .. يا حلوه الفلوس !..
ردت عليه شذى فلوسة وفلوس عبادي مثل ما سمعت اسمه !.. ودخلت علي ..,,
حوراء: لييييش سويتي جذي لييييييييييش !.. آنه شسويت لج !! ..
شذى وهي تقعد على رجولها قدامي: طول عمرج ينظرون لج احسن مني .. طول عمرج انتي المفضلة قدام الناس بكل شيء .. طووول عمرج وكأنج نجمه فوق مع النجوم .. لكن وصل هذا اليوم عشان ابان لج انتي بالقاع .. يالواطية ..
حوراء: الواطية انتيييييييييييييييييييي ..
شذى: ههههههههههههههههههههههه آنه من زمان واطية .. بس ما كنت راضية لأبعد حدود .. ويوم ان نكون آنه وانتي واطيين .. حلاته!
حوراء: واطية .. صج انج واطية ..
شذى وهي توقف: على العموم .. قولي اللي تبين تقولينه !.. ماعاد يهمني .. المهم وصلت لغايتي .. واللي كان ببالي كلـه .. وبالحرف الواحد صار .. والحين مافي شيء يخليج تهربين مني !..
صرخت مرة وحده!: طلووووووووووووول عطني الفيديو !.
دقائق وكان طلال قدام الباب وبإيدة كاميرا فيديو ..!! .. طالعتها بخوف .. بترجي !! ..
حوراء: بعد بتصوريني وآنه بهذي الحاله !.. ما يكفيج اللي سويتييييييه ما يكيفييييييج !!..
شذى وطلال: هههههههههههه
تقرب مني طلال وهو يفتح الكاميرا .. حسيت شكثر آنه في ذاك الوقت دنيئة .. منحطة ..
حوراء: لا تتقررررررررررب خلاص.. خلاااااص اتباعدوا كلكم !!..
على صرختي هذي كل الناس اللي كانت هناك يمكن اتجمعت حولي .. وكأنها تشوف مشهد من فلم مدبلج!..
شذى: يا حلوه شسوي اصورج الحين !
طلال وهو يفتح الكاميرا: شوفي نفسج وانتي بمناظر احلى !.
وكأن اللي سووه فيني بدون وعيي يتجدد قدام عيني .. وآنه واعيه .. اشوفهم شلون يلعبون فيني وآنه نايمة .. من واحد الى ثاني .. كل واحد يعاملني وآنه مثل قطعه رخيصة بي ايدهم .. باعدت الكاميرا عن عيني وآنه اصرخ ..
حوراء: كفايه .. كفاااااااايه .. كفااااايه .. ارحموني عاد ارحمووووووووني .. لييييش كل هذا !!!!!! .. لييييييييش
شذى: شفتي !.. كل شيء وبالتفصيل مصور .. وانتي بالفيديو كنتي .. محد غيرج !!.. أي شيء يطلع منج .. هذا الفيديو بنشره في مكان !.. وتصيرين علج عند كل الناس .. وماعندهم سيره يتكلمون فيها غيرج انتي !!.. بس مو مثل قبل واللي اعتدتي عليه .. لما يقولون حوراء الشريفه !. لا لا لا .. الحين اختلف الوضع .. تدرين شنو بقولون !!. هههههههههههههههه حوراء الدنيئة .. ههههههههههههههههه
شنو تبين يكون شعوري في ذاك الوقت !!.. طهري راح .. شرفي راح ..,,
سكتت حوراء وتركت دموعها بهذا الوقت هي اللي تتكلم عنها .. لأنها خلاص !!.. تذكرت هذاك اليوم بكل حذافيره .. ما تقدر تكمل اكثر .. ولا تضوق المر مرة ثانية !.,’
بسيل كانت تفكر .. شلون توصل دنائة الانسان .. وشلون شذى قدرت تلعب على حوراء ووصلتها لهني !! .. كل هذا صار فيج يا حوراء !!.. والله ان الدنيا قاسية .. لا ليش نقول الدنيا قاسية .. ليش نحط اللوم عليها !!. المفروض نقول ان البشر قاسيين .. والدنيا لكنها ما ترحم ..,’
بسيل: بسج يا حوراء .. ادري اللي صار لج مو شويه .. لكن عمره هذا الشيء ما صار برضاج .. وبعدين كل شيء صار غصب عنج .. ومن تحت راس ناس ما تعرف قلوبهم الرحمه .. وما تشوف عينهم غير الغيره ..
حست بسيل ان حوراء ابد مو وياها .. فقالت تخليها بروحها يمكن احسن لها .. وترتاح اذا قعدت بنفسها من بعد ما قالت لها الذكرى السوداء بحياتها !..
بسيل: اخليج الحين ترتاحين .. ونرجع باجر نكمل .. خلاص؟! .. جذي زين؟
حركت حوراء راسها بمعنى أي ..
بسيل: يالله ما اوصيج .. اتحملي بروحج ..
قامت بسيل عشان تمشي عن حوراء .. لكنها التفتت تشوف حال حوراء وشلون تركتها من قبل لا تفتح الباب .. اللي شافته ان زاد حالها ألم من اول ما شافتها يوم تدخل المستشفى .. طلعت من الباب .. على امل ان باجر يتلاقون ويكملون باقي قصة حياة حوراء ..,,
ركبت سيارتها وكانت تفكر بحياة حوراء .. معقوله من هذا الموقف وصلت حوراء الى هذا المستشفى !.. لكن !.. دام ان اللي قالته بس البداية !!.. شنو يمكن تكون نهايتها !!..
×
.
×
على هذي الافكار وصلت الى شغلها .. ونزلت تتابع طريقها الى مكتبها بخطوات سريعه .. لأن الدوام ما باقي عليه شيء ويخلص ..,,
بسيل: السلام
ريم وترنيم وهم مو عاجبهم حال بسيل: عليكم السلام !
ريم: شفيج؟!
ترنيم:أي شفيج!
بسيل: ما ادري ..
ريم: شلون ما تدرين ؟؟
بسيل وهي تقعد على الكرسي: القضية اللي اناقشها .. وايد صعبه ..
ترنيم: شلون يعني !!
بسيل: آخ لا تسألوني .. اذا اكتملت وانطبعت بالمجله اقرأوها ..
هزت رأسها ريم بمعنى اوكي ..
وهني يرن تلفون بسيل ..!
بسيل وهي تشوف الشاشة: اووووووه !
ريم: شفيج؟
بسيل: ولا شيء .. بس هذي رفيجتي متواعده معاها نطلع على الغذاء .. وآنه حتى امي نسيت ما اتصل لها واستأذن منها ..
ترنيم بإبتسامة: زين ردي الحين على رفيجتج !!
بسيل وهي ترد على التلفون: هلا والله
سارة: بالمهلي .. ها بشري .! شقالت خالتي ؟ .. وافقت ان نطلع !..
بسيل: امي ما بتقول شيء بس !
سارة: شنو ؟!
بسيل: بس نسيت اقول لها
سارة: بسيلوووو
بسيل: عيونها
سارة: خلاص نسيتينا انتي .. حتى اعزمج على الغذاء تنسين بنفس اليوم .. صرنا ماضي ..
بسيل: افا سارووونة .. كل شيء ولا انتي وانتي تعرفين .. لكن القضايا شوي تاخذ عقلي وتنسيني كل شيء ..
سارة: خلاص يوم ان من القضايا اطلعي من شغلج ..
بسيل بشهقه: شنو .. لا لا لا ..
سارة: هههههههه شفيج؟
بسيل: ما اتخيل إني بيوم اطلع عن شغلي .. لأني ما تدرررررين شكثر تعلقت فيه !
سارة: زين .. والحين شصار ؟
بسيل: ماعليج بأي مجمع انتي بتروحين؟
سارة: أي مكان .. المهم نتقاااااابل ..
بسيل: السيف اوكي؟
سارة: لا السيف اليوم زحمة .. نروح الدانة !
بسيل: اوكي خلاص صار ..
سارة: وخالتي؟
بسيل: لا تخافين بتوافق ..
سارة: يالله اخليج ..!
بسيل: اوكي
سارة: مع السلامة
بسيل: الله يسلمج يالغلا ..
سكرت بسيل التلفون ..,’
ريم: الظاهر ان رفيجتج غاليه عليج!
بسيل: واااايد .. وااايد
ريم: الله يخليكم لبعض ..
بسيل: ويخليج
ترنيم: يالله يا حلوات انتهى الدوام ..
بسيل: انتوا نزلوا اذا تبون لأني بتصل في امي وبعدين انزل ..
ترنيم: لا اتصلي وبعدين ننزل مع بعض ..
اتصلت بسيل الى امها .. اللي عارضت بالبداية شوي لأنها ما قالت لها من قبل !!.. وبعدين رضت عشان ان بسيل بتطلع مع سارة .. مو أي وحدة !.,
بسيل: يالله قوموا بنااااات .. مشينا ..
طلعوا البنات مع بعض .. مثل كل يوم .. وكل وحدة ركبت سيارتها عشان تروح بيتهم .. لكن هالمره بسيل اختلفت عنهم .. وهي بتروح المجمع اليوم مو البيت !!..
×
.
×
وصلت الى الباركات .. وبركنت سيارتها قدام البوابة الاولى تقريباً .. ونزلت من بعد ما ضبطت الشيله .. وحملت شنطتها ..,,
تقابلت قدام الباب مع سارة ..
بسيل: هلااااااا والله .. بسارووووووووونة
سارة: فديييييتج هلا بقلب سارونة والله
بسيل: سوري يالغلا على اللي صار اليوم
سارة: بلا بياخه .. وشنو سوري شنو خرابيط .. بس كنت بزعل عليج لو ما اليوم شفنا بعض !.
بسيل: زين نوقف هني؟
سارة وهي تشوف وين واقفين .. والا هو قدام بوابة المجمع: هههههه اذا تبين توقفين هني مافيه مشكله !
بسيل: مع ويهج .. امشي نركب فوق للمطاعم بس !..
سارة: أي والله امشي ..
ركبوا مع بعض في اللفت الى المطاعم .. واختاروا لهم طاوله عشان يقعدون عليها من بعد ما طلبوا لهم الغذاء ..,’
سارة: بسيل ..
بسيل: عيونها
سارة: يالكريهه وحشتيني من زمان ما اشوفج
بسيل: اشوفج مقطعه باب البيت من كثر ما تزوريني .. يوم إني اوحشج !
سارة: قولي لروحج ..
بسيل: زين وشخبارج بعد؟
سارة: الحمد لله عايشييين
بسيل: الحمد لله
سارة: بسيل ابي اقول لج موضوع ..
بسيل: شنو!
سارة وهي تشوف ان الاكل جهز: ناكل بالاول وبعدين اقول لج ..
قامت سارة واخذت الاكل .. وقعدوا ياكلون بكل هدوء .. عكس المجمع اللي هم فيه والفوضى اللي عامته ..,,
×.×
بعد ما اتغذوا .. قعدوا يسولفون بسوالفهم المعتاده .. وكل وحدة شسوت بغياب الثانية عنها !..
بسيل: الا ما قلتي لي شنو الموضوع؟
سارة وكأن لسانها انربط:....
بسيل: سارو اتكلمي شفيج؟
سارة: بسيل ولد خالتي تقدم لي !
بسيل وهي رافعه حاجب ومنزله الثاني: شلون يعني !
سارة: يعني ولد خالتي يبي يتزوجني !
بسيل بإستغراب: شنو!!
سارة: اللي سمعتيه !
بسيل: وانتي موافقه !!
سارة: ما ادري
بسيل: شنو ما تدرين .. وباسل اخوي ؟!
سارة: بسيل .. باسل اخوج عمره ما قال يبيني كزوجة .. باسل اخوج يمكن اكون بس آنه متوهمه فيه .. وراسمته فارس احلامي !!.. وبعدين اخاف ارفض ولد خالتي ويصدمني اخوج بزواجه لغيري !.. ما ادري يا بسيل الافكار وايد ببالي .. ومو عارفة افسر قدامي أي شيء ..
بسيل: سارو انتي شتقولين .. آنه أأكد لج مليون بالمئة ان باسل اخوي يبيج .. يبيج انتي كزوجه له .. حرام تضيعون حياتكم جذي ! .. وبعدين عشان ان ولد خالتج بتوافقين !..
سارة: ما ابي اوافق بس خايفة !
بسيل بإبتسامه: عبالي انج بعد تبين توافقين .. ولا تخافين سارونه .. باسل يبيج ومستحيل يقبل بوحدة غيرج تكون زوجته ..
سارة حست شوي براحه من كلام بسيل .. وقررت قرار نهائي انها ترفض ولد خالتها !..
بسيل: عاد قومي نشتري لنا ايسكريم ونتمشى نشوف شنو الجديد بالمجمع ..
سارة وهي توقف: اوكي .. قووومي ..
قاموا مع بعض .. وطلبوا ايسكريم من ماكدونالز .. واكلوه وهم يتمشون بين المحلات بالمجمع ..
بسيل: ابي نظارة شمسية .. شرايج ندخل نظارات احسان ..,’
سارة: يبي لها شيء !.. ادخلي هههه
دخلوا مع بعض وقعدوا يشوفون آخر النظارات اللي كانت نازله بالمحل .. وكانت بسيل محتارة بين النظارات الاربع اللي قدامها .. وكلهم حلوين عليها !..
سارة: اخذيهم كلهم ..
بسيل: هههه حلوه ذي .. تقولين نكته انتي ..
هني دخل عليهم شخص ما اتوقعت بسيل انها تشوفه بالمره !!.. للحظة حست ان الدنيا تدور فيها .. لما شافت فراس كان داخل المحل وعلى يمينه بنت تقاربها بالسن .. حلوه ومزيونه .. وكانت اقصر منه بشوي .. وضعيفه .. كل اللي قدرت تفسره .. انها زوجته !!..
سارة: بسيل .. بسيل!
بسيل: هلا سارووو
سارة: وين وصلتي .. وليش عيونج بتاكل الصبي اللي دخل ..
بسيل: اشش قصري حسج لا يسمعج يالفضيحة .. هذا مديرنا بالشغل
سارة: ههههه زين سلمي عليه
بسيل: ما اشوف روحي الا رايحة واسلم عليه .. ولا بعد معاه زوجته
ابتسم فراس الى بسيل .. بس هي الثانية التفتت الى النظارات اللي كانت محتارة بينهم بدون ما ترد له الابتسامه !..
بسيل: ساروو .. خلاص بنمشي ..
سارة: بس انتي ما شريتي نظاره!.
بسيل: خليها لمرة ثانية .. بليز خلنا نمشي !
سارة بإستغراب: نمشي .. نمشي !!..
طلعوا سارة وبسيل من المحل .. وسارة طول الوقت تسأل بسيل شفيج ؟!
بسيل: سارة .. هذا فراس .. مديرنا بالشغل ..
سارة: وبعدين ؟.. عرفت ان هو فراس .. ومديركم بالشغل ..
بسيل: سارة .. ما كنت ادري إني .. إنـ ـ ـي ..!
سارة: انج شنو؟
بسيل: أحبـ ـ ـهـ! ..
سارة وهي فاتحه عينها على الآخر: تحبينه!!!!
بسيل هزت رأسها بمعنى أي !
سارة: وشنو اللي الحين خلاج تدرين انج تحبينه ؟؟
بسيل: لأني شفته .. وكانت معاه بنت .. ما اتحملت اشوفه جذي .. وبعدين اكيد انها زوجته .. خصوصاً انها مدري شلون تتدلع عليه وتعامله ..
سارة: بسيل .. يمكن صج تحبينه .. بس يوم انج شفتي زوجته وعرفتي ان هو متزوج .. المفروض خلاص .. تشيلين فكرة انج تحبينه من بالج .. وبعدين انتي قلتي توج تعرفين انج تحبينه .. يمكن ما كنتي تحبينه بالأساس .. ومجرد ان اللي حسيتي فيه مشاعر غيره لا غير !..
حركت بسيل رأسها بمعنى أي !.. لكن ما تدري ليش كانت تحس بإحساس غريب في ذاك الوقت .. هل ممكن تنقلب مشاعرها اتجاه فراس لكره بمجرد انها اكتشفت حبها له !!.. واكتشتف حياته!..
|
خدمات المحتوى
|
مجروحة وتكابر
تقييم
|
|
|
الرئيسية
الصور
المقالات
البطاقات
الملفات
الجوال
الأخبار
الفيديو
الصوتيات
0 | 
0 | 
294
